لاہور سمیت پنجاب کے اکثر علاقے شدید دھند اور اسموگ کی لپیٹ میں ہے مختلف مقامات پر حد نگاہ صفر ہونے سے پروازوں کا شیڈول متاثر ہوگیا ہے۔
اسموگ کے سبب فیصل آباد اور ملتان میں پروازوں کا شیڈول متاثر ہوگیا جبکہ جدہ اور مدینہ کی پروازیں منسوخ کردی ہیں۔
ترجمان پی آئی اے کے مطابق کراچی سے فیصل آباد جانے والی پی کے 324، جدہ سے فیصل آباد اڑان بھرنے کےلئے تیار پی کے 764، فیصل آباد سے جدہ کے لئے جانے والی پی کے 763، اور ملتان سے مدینہ کی 2 پروازیں منسوخ کردی گئیں۔
ترجمان کے مطابق پنجاب بھر میں موسم کی خراب صورتحال کے سبب پی آئی اے نے فیصل آباد اور ملتان کی پروازوں میں ردوبدل کیا ہے، مسافر ایئر پورٹ آنے سے پہلے مطلوبہ پرواز سے متعلق معلوم کرلیں۔
